close
韓國男神金秀賢今年主演嘅韓劇《製作人們》將於10月喺日本播出，近日佢就身處日本宣傳新劇，今日就現身大阪出席粉絲見面會。
日本時間下晝4時，金秀賢穿上一身黑色暗花西裝現身，一開場就先開金口唱歌冧粉絲，之後又不時用日文打招呼，令日本粉絲非常感動。
訪談環節結束後，金秀賢就換上白色上衣、圍上黑色圍裙，以一身廚師打扮現身，表示今日要製作三個拌飯贈粉絲。不過佢就非常鬼馬，於其中一碗飯中塗滿朱古力醬，連佢自己試食後亦要不停飲水，之後佢見到粉絲食呢碗朱古力飯時就於一旁偷笑，展露佢頑皮嘅一面。
另外，今日MBC節目《Happy Time》公開金秀賢嘅舊照以及出道故事。據知金秀賢讀書時性格非常內向，金媽媽為咗令囝囝變得活潑而要佢學習演技，最後促使令金秀賢成為今日嘅亞洲男神。
文章標籤
全站熱搜
留言列表
★金秀賢 粉絲見面會 (4)
